एट्लेटिको मड्रिडमाथि रियलको जित

काठमाडौं । स्पेनिस ला लिगा फुटबलमा रियल मड्रिडले एट्लेटिको मड्रिडमाथि साँघुरो जित हात पारेको छ ।

शनिबार राति भएको मड्रिड डर्बीमा रियलले १-० गोलको साँघुरो जित हात पारेको हो । घरेलु मैदानमा रियललाई जित दिलाउन करिम बेन्जिमाले निर्णायक गोल गरे ।

पहिलो हाफ गोलरहित बराबरीमा सकिएको खेलको ५६ औं मिनेटमा बेन्जिमाले गोल गरेका थिए । जितसँगै शीर्ष स्थानको रियलले २२ खेलमा ४९ अंक जोडेको छ । जितपछि रियल दोस्रो स्थानको बार्सिलोना भन्दा ६ अंकले अघि रहेको छ ।

पाँचौं स्थानको एट्लेटिकोले ३६ अंक जोडेको छ । एजेन्सी

यो पनि पढ्नुहोस् : ए डिभिजन लिगमा आज दुई खेल हुँदै, को-को भिड्दैछन् ?