काठमाडौं । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले आफूहरू देश छाडेर भाग्ने मानिस नभएको बताएका छन् ।
गत वर्ष भदौ २४ गते जेनजी आन्दोलनका क्रममा आगजनी भएको बालकोटस्थित आफ्नो निवासको बुधवार अवलोकन गर्दै ओलीले आफूहरू विगतमा पनि नभागेको र भविष्यमा पनि नभाग्ने बताएका हुन् ।
उनले आफूहरू नेपाली मूलका नागरिक भएको बताउँदै अरूले उभ्याएको नभई आफ्नै संघर्ष र योगदानबाट स्थापित भएको दाबी गरे ।
‘हामी न पहिला भागेका थियौँ, न अहिले भाग्छौँ, न कहिल्यै भाग्छौँ । यो देश हाम्रो पनि हो । हामी अन्य ओरिजनको होइन, नेपाली ओरिजनको हो । हामी अरूले उभ्याएको होइन,’ ओलीले भने ।
जेनजी आन्दोलनका क्रममा भएको आगजनीबाट आफ्नो निवासमा पुगेको क्षतिको अवस्था बुझ्न ओली बुधवार बालकोट पुगेका थिए ।
यो खबर पढेर तपाईलाई कस्तो महसुस भयो ?
प्रतिक्रिया