काठमाडौं । काभ्रेमा बस दुर्घटना भएको छ । बस दुर्घटनामा परेका ७ जना यात्रुको अवस्था गम्भीर रहेको र १४ जनाको उद्धार गरिएको छ ।
काभ्रे प्रहरीले लोकपथलाई दिएको जानकारी अनुसार नमोबुद्ध नगरपालिकको बुच्चाकोट भन्ने स्थानमा बस दुर्घटना भएको हो ।
पूर्वअरनिको बा ३ ख ८३९८ नम्बरको यात्रुबाहक बस शुक्रबार दिउँसो साढे २ बजे आसपास दुर्घटनामा परेको हो ।
‘प्रहरी घटनास्थलमा पुगेको छ । दुर्घटनामा परी ७ जनाको अवस्था गम्भीर रहेको छ भने १४ जनाको उद्धार गरिएको छ,’ काभ्रे प्रहरीले लोकपथसँग भन्यो ।
घाइतेहरुको धुलिखेल अस्पतालमा उपचार भइरहेको छ । दुर्घटनाको कारणबारे अनुसन्धान अघि बढाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया