विपक्षीको विरोधपछि १५ मिनेटका लागि संसद बैठक स्थगित

काठमाडौं । प्रतिनिधि सभा बैठकमा विपक्षी दलहरुले आज पनि विरोध जनाएका छन् ।

करिब एक सातापछि सोमबार बसेको प्रतिनिधि सभा बैठकमा विपक्षी दलहरुले अवरोध सिर्जना गरेका हुन् । विपक्षी दलहरुले प्रधानमन्त्रीको जवाफ नआएसम्म संसद बैठक चल्न नदिने अडान कायम राखेपछि १५ मिनेटका लागि प्रतिनिधि सभा बैठक स्थगित गरिएको छ ।

प्रधानमन्त्री बालेनले सीमाको विषयमा दिएको अभिव्यक्ति, अर्थ विधेयकमा भएको करका दर हेरफेर लगायतका विषयमा विपक्षी दलका सांसदहरुले आवाज उठाएका हुन् ।

सभामुख डोलप्रसाद अर्याल (डीपी अर्याल) ले संसद बैठक रोकेर विपक्षी दलहरुसँग छलफल गर्न लागेका हुन् ।