काठमाडौं । ठूलो मात्राको अवैध फर्सीको बिउसहित १ जनालाई प्रहरीले पक्राउ गरेको छ ।
पक्राउ पर्नेमा सिरहाको बरियारपट्टी गाउँपालिका वडा–२ बस्ने हरिदेव दास रहेका छन् ।
उनको घरमा अवैध रुपमा नेपालबाट भारत तर्फ लैजानको लागी फर्सीको बिउको बोराहरु लुकाई छिपाई राखेको भन्ने गोप्य सूचनाको आधारमा खटिएको प्रहरी टोलीले उनलाई पक्राउ गरेको हो ।
जिल्ला प्रहरी कार्यालय सिरहाबाट खटिएका प्रहरीले सोमबार साँझ उनको घरमा खोजतलासि गर्दा घरको प्यासेजमा लुकाई राखेको ७० बोरा फर्सिको बिउ बरामद गरेको छ ।
उनलाई आज थप कारवाहीको लागी भन्सार कार्यालय माडर सिरहामा पठाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया