बाजुरामा हिमपात, तस्वीरमा हेर्नुहोस् छप्पकै हिउँ

कास्की । बाजुरामा हिमपात भएको छ । सोमबार रातिदेखि लगातार रुपमा परेको हिमपातका कारण बाजुराको बडिमालिका नगरपालिका र बुढीनन्दा नगरपालिका बीचमा पर्ने पोरखे काँधमा हिमपात भएको हो । 

बाजुरामा हिमपातसँगै बढेको चिसोले जनजीवन प्रभावित भएको छ । 

वर्षा, हिमपात र चिसोका कारण सर्वसाधारणको दैनिकि, हवाई तथा सडक यातायात सेवासमेत प्रभावित भएको छ । 

सडकमा हिउँ जमेपछि यातायात सञ्चालनमा समस्या भएको छ । 

चिसो बढेकाले सर्वसाधारण घर बाहिर निस्कन सकेका छैन । 

गाई, भेँडा, चौरी, च्याङ्ग्रालगायत घरपालुवा जनावरलाई सुख्खा घाँसपात खुवाएर राखिएको छ । 

फोटो: रासस