महोत्तरीमा ट्रिपरको ठक्करबाट बालकको मृत्यु

गौशाला । महोत्तरी जिल्लाको गौशाला–सम्सी सडकखण्डमा ट्रिपरले ठक्करबाट एक बालकको मृत्यु भएको छ ।

आइतवार बिहान गौशालाबाट सम्सी जाँदै गरेको ना७ख ६४२७ नंको ट्रिपरले सम्सी गाउँपालिका–२ स्थित सडकमा ठक्कर दिँदा  सम्सी गाउँपालिका–२ पर्सादेवार बस्ने हयियाद शेखका आठ वर्षका छोरा सदाम शेख रहेको जिल्ला प्रहरी कार्यालय महोत्तरीले जनाएको छ । 

प्रहरी नायव उपरीक्षक खगेन्द्रबहादुर खड्काका अनुसार आज बिहान करीब ८ बजे गौशालाबाट सम्सी जाँदै गरेको ना७ख ६४२७ नंको ट्रिपरले सम्सी गाउँपालिका–२ स्थित सडकमा बालक सदाम शेखलाई ठक्कर दिँदा उनको मृत्यु भएको बताए । 

बालकको शव परीक्षणका लागि जिल्ला अस्पताल जलेश्वरमा ल्याउने तयारी भइरहेको प्रहरीले जनाएको छ ।