बागबजारमा फेरि आगलागी, नौ वटा पसल जले

डडेल्धुरा । डडेलधुरा सदरमुकाम बागबजारमा फेरि भिषण आगलागी भएको छ । 

आइतबारराति १२ः३० बजेको समयमा अमरगढी नगरपालिका-५ बागबजारको बगरकोट रोडमा आगलागी हुदाँ ९ पसल जलेर नष्ट भएका हुन् । 

करिब दुई घण्टापछि अमरगढी नगरपालिकको दमकल, नेपाल प्रहरी, सशस्त्र प्रहरी, नेपाली सेना र स्थानीयको सहयोगमा आगो नियन्त्रमा लिइएको  जिल्ला प्रहरी कार्यालय डडेल्धुराले जनाएको छ । 

आइतबार रातिसहित डडेल्धुरामा लगतार चार पटक आगलागी भएको छ। आगो लगाएको आशंकामा एक जनालाई पक्राउ गरिएको छ । 

पक्राउ परेका व्यक्तिको नाम ठेगाना खुलाइएको छैन । पक्राउ परेका व्यक्तिले आगो लगाएको प्रहरीसँग स्वीकार गरेको प्रहरी नायब उपरीक्षक डम्बरबहादुर केसीले बताए ।

गत साता मात्र डडेल्धुरामा लगातार तीन पटक  आगलागी भएको थियो । ती घटनामा करिब ८७ लाख बराबरको क्षतिको थियो ।