नयाँ वर्ष मनाइरहेको बेला विष्फोट : ४ को मृत्यु, ४० सम्पर्कविहीन

एजेन्सी । रुसको मध्य क्षेत्रमा रहेको मग्नितागोस्र्कको एक भवनामा बिस्फोट हुँदा कम्तिमा चारजनाको मृत्यु भएको छ । 

४८ तले भवनमा मानिसहरुले नयाँ वर्ष मनाइरहेको बेला विष्फोट भएको थियो । विष्फोटका कारण दुई वटा फ्ल्याट पूरै क्षतिग्रस्त भएका छन् ।

उरल प्रान्तको शहर मग्नितागोस्र्कमा भवनमा भएको बिस्फोटमा परि झण्डै ४० जना हराइरहेका छन्। उनीहरुको खोजी तथा उद्धारको काम भइरहेको स्थानीय अधिकारीलाई जनाएका छन् । भवनमा १२० जनाको बसोबास थियो ।

अहिलेसम्म कम्तिमा १६ जनालाई सकुशल उद्धार गरिएको सरकारी अधिकारले जानकारी दिएका छन् । उद्धारकर्मीले भग्नावशेषमा पुरिएकाहरुलाई जीवितै उद्धार गर्न सकिने आशमा उद्धारकार्यलाई जारी राखेका छन् ।

राष्ट्रपति भ्लादिमिर पुटिन घटनास्थल पुगेर निरिक्षण गरेका छन् । राष्ट्रपति पुटिनले प्रभावितलाई सबै प्रकारको सहयोग गर्ने बताएका छन् ।

भवनमा सोमबार बिस्फोट भएको हो ।