१८ प्रहरीमाथि कारबाही प्रक्रिया सुरु

कञ्चनपुरकी निर्मला पन्तको बलात्कारपछि हत्या प्रकरणमा लापरबाही गर्ने १८ प्रहरीमाथि प्रधान कार्यालयले कारबाही सुरु गरेको छ ।

एआईजी धिरु बस्नेत नेतृत्वको छानबिन समितिको प्रतिवेदनको आधारमा विभागीय कारबाही सुरु भएको आजको नयाँ पत्रिका दैनिकमा खबर छापिएको छ ।

एआईपी बस्नेत नेतृत्वको समितिले एक एसपी, दुई डीएसपी, तीन इन्सपेक्टर, चार सई, तीन हवल्दार र पाँच जवानविरुद्ध कारबाही सुरु गरेको हो । छानबिनका क्रममा ती १८ जनानै प्रहरीको गल्ती स्पष्टरुपमा औंल्याइएको छ।