काठमाडौं । मानव अधिकारकर्मीले बालुवाटारमा धर्ना दिएका छन् । धर्ना दिन बालुवाटार पुगेका अधिकारकर्मीलाई प्रहरीले नियन्त्रणमा लिएको छ ।
७० औँ अन्तर्राष्ट्रिय मानव अधिकार दिवसका अवसरमा उनीहरुले निर्मला पन्तका लागि न्याय माग्दै बालुवाटारमा प्रदर्श गरेको हुन् ।
प्रदर्शनका क्रममा अधिकारकर्मीहरुले कञ्चनपुरकी १३ वर्षीया बालिका निर्मल पन्तको बलात्कार र हत्यामा संलग्नलाई कारबाहीको माग गर्दै बालुवाटारमा धर्ना दिएका हुन् ।
मानव अधिकारकर्मीहरुले प्रदर्शनका क्रममा निषेधित क्षेत्र तोड्न खोजेसँगै उनीहरुलाई पक्राउ गरिएको महानगरीय प्रहरी परिसर काठमाडौंले जनाएको छ ।
निर्मलाको गत साउन १० गते बलात्कारपछि हत्या भएको थियो । उनको शव भोलिपल्ट विहान उखुबारीमा भेटिएको थियो ।
निर्मलाको बलात्कार र हत्या भएको १ सय ३८ दिन बितिसक्दा पनि सरकारले हत्यारा पत्ता लगाउन सकेको छैन ।
यो खबर पढेर तपाईलाई कस्तो महसुस भयो ?
प्रतिक्रिया