Sunday 22 November 2026
आइतबार ६ मंसिर २०८३

प्रहरीले उजुरी लिन नमानेपछि गृहमन्त्रीलाई सिके राउतको फोन

लोकपथ १६ पुस २०७९, शनिबार १७:५६
प्रहरीले उजुरी लिन नमानेपछि गृहमन्त्रीलाई सिके राउतको फोन
शेयर गर्नुहोस् Facebook

काठमाडौं । सप्तरीमा प्रहरीले उजुरी लिन नमानेको गुनासोपछि जनमत पार्टीका अध्यक्ष डा.चन्द्रकान्त (सिके) राउतले गृहमन्त्री रवि लामिछानेलाई फोन गरेका छन् । आफूले पाएको गुनासोबारे गृहमन्त्री लामिछानेलाई जानकारी गराएको उनले बताएका छन् ।

‘हिजो आफ्नो क्षेत्रका गुनासो सुन्ने क्रममा सप्तरीमा महिला हिंसा र यातनाको दर बढ्दो, र पीडित महिला (कपाल खौरिदिएको पिडित महिला समेत) प्रहरीकहाँ हिम्मत गरेर जाँदा पनि प्रहरीले उजुरी लिन नमानेको विषय उठेकोले गृहमन्त्रीज्यूलाई सो बारेमा फोनमा अवगत गराएको छु,’ उनले फेसबुकमा लेखेका छन् ।

एक महिलाको कपाल खौरिदिएको घटनामा पीडित महिला प्रहरीसमक्ष पुग्दासमेत प्रहरी उजुरी नलिएको गुनासो आएको उनले उल्लेख गरेका छन् । राउतले आफ्नो क्षेत्रका गुनासोको सम्बोधन गर्न कार्यालयमा गुनासो पेटिका राखेका छन् । त्यसको सम्बोधन गर्नेक्रममा उनले सप्तरीमा महिला हिंसा र यातनाको दर बढ्दो देखिएको बताएका हुन् ।

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।