काठमाडौं । भारतबाट अवैध रुपमा नेपाल ल्याई बिक्री वितरण गरिएका ठूलो परिमाणको मदिरासहित ४ जनालाई प्रहरीले पक्राउ गरेको छ ।
महानगरीय अपराध महाशाखाले भारतबाट ल्याई विभिन्न परिमाणका रेड लेवल, ब्ल्याक लेवल, चिभास रिगललगायतका मदिरासहित चार जनालाई पक्राउ गरेको हो ।
पक्राउ पर्नेहरुमा पर्सा घर भई हाल काठमाडौं कपन बस्ने सन्तोष चन्द्र बख्रेल, काठमाडौं कागेश्वरी मनोहराका शैलेश पन्त, पर्सा घर भइ हाल काठमाडौं हाँडीगाउ बस्ने रविन पाख्रिन र सर्लाली घर भइ हाल काठमाडौं चावहिल बस्ने नारायणप्रसाद घिमिरे रहेका छन् ।
रवि नाम गरेको भारतीय नागरिकले भारबाट राजश्व छली गरी विभिन्न ब्राण्डका मदिराहरु सन्तोषचन्द्र बख्रेलको योजनामा नेपाल ल्याइ बिक्रि वितरण गर्ने गरेको खुल्न आएको महाशाखाले जनाएको छ ।
महाशाखाका अनुसार बरामद गरिएका मदिराहरुको अन्दाजी बजारमूल्य एक करोड ५० लाख भन्दा बढी रहेको छ ।
भारतबाट भित्रिएका २ सय ९६ कार्टुन विभिन्न मदिराहरु रामकोट, बानेश्वर कपनलगायतका विभिन्न मदिरा पसल तथा पार्टी प्यालेसमा समेत बिक्री वितरण गर्ने गरेको प्रहरीले जनाएको छ । उनीहरुलाई पक्राउ गरी आवश्यक अनुसन्धान भइरहेको महाशाखाले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया