काठमाडौं । नेपालका फरवार्ड अन्जन विष्टले माल्दिभ्समा जारी साफ च्याम्पियनसिप फुटबल अन्तर्गत भारतविरुद्धको फाइनल खेल गुमाउने भएका छन् ।
दुई वटा पहेंलो कार्डकै कारण अन्जनले भारतविरुद्धको फाइनल खेल गुमाउने भएका हुन् ।
त्यस्तै, प्रशिक्षक अलमुताइरीले लिग चरण दुई फरक फरक खेलमा पहेंलो कार्ड पाएका थिए । सोही कारण साफले उनीमाथि प्रतिबन्ध लगाएको हो ।
यो पनि पढ्नुहोस् : प्रशिक्षक अलमुताइरीलाई भारतविरुद्धको फाइनल खेलमा प्रतिबन्ध
मालेस्थित राष्ट्रिय रंगशालामा हुने नेपाल र भारतबीचको खेल नेपाली समय अनुसार राति ८:४५ बजे सुरु हुनेछ ।
आज माल्दिभ्समा हुने फाइनल खेल नेपालको लागि निकै महत्वपूर्ण रहेको छ । पहिलो पटक साफको फाइनलमा पुगेको नेपाल बलियो टोली भारतलाई हराएर ऐतिहासिक उपाधि जित्न दाउमा रहेको छ ।
यो पनि पढ्नुहोस् : आज साफ च्याम्पियनसिपको फाइनल : नेपाललाई इतिहास रच्ने अवसर
भारत आठौं पटक उपाधि उचाल्ने योजनामा हुनेछ । तर, नेपाली टिमका गोलकिपर तथा कप्तान किरण चेम्जोङ भारतविरुद्ध गोर्खाली शैलीमा खेलेर जित निकाल्ने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया