२०७८,श्रावण,११,सोमवार

को हुन् गृहमन्त्री बनेका खगराज अधिकारी ?

२०७८,जेष्ठ,२७,बिहीवार १५:०३


काठमाडौं । प्रधानमन्त्री केपी शर्मा ओलीले एमाले नेता खगराज अधिकारीलाई गृहमन्त्री बनाएका छन् ।

ओलीले बिहीवार मन्त्रिपरिषद् विस्तार गर्दै अधिकारीलाई गृहमन्त्री बनाएका हुन् । प्रधानमन्त्री ओलीले नेकपा एमालेमा आन्तरिक विवाद चर्किएका बेला आफू पक्षमा रहेका अधिकारीलाई गृहको जिम्मेवारी दिएका हुन् ।

नेकपा माओवादी केन्द्रबाट एमालेमा प्रवेश गरेर गृहमन्त्री बनेका रामबहादुर थापा ‘बादल’ जेठ ६ गते भएको राष्ट्रिय सभा उपनिर्वाचनमा पराजित भएका थिए । सोही दिन सर्वोच्च अदालले सांसद नरहेको व्यक्ति मन्त्री हुन नपाउने आदेश दिएपछि उनी पदमुक्त भएका थिए । त्यसपछि प्रधानमन्त्री ओलीले गृहमन्त्रालय आफू मातहत राखेका थिए ।

ओलीले एमाले वरिष्ठ नेता माधव कुमार नेपाल पक्षका सांसदलाई आफूतिर तानेर गृहमन्त्री बनाउने हल्ला चलेको थियो । तर एमालेको अन्तरकलहमा आफूलाई साथ दिदै आएका अधिकारीलाई ओलीले गृहमन्त्री बनाए ।

अधिकारी २०७४ को प्रतिनिधि सभा सदस्य निर्वाचनमा कास्की क्षेत्र नम्बर १ बाट विजयी भएका भएका थिए । उनले कांग्रेसका यज्ञबहादुर थापालाई हराएका थिए । उनी २०६४ मा भएको पहिलो संविधान सभा निर्वाचनमा भने पराजित भएका थिए । संविधान सभाको दोस्रो निर्वाचनमा उनले टिकट नै पाएनन् । आज गृहमन्त्री बनेका थापा यसअघि सुशील कोइराला प्रधानमन्त्री हुँदा स्वास्थ्य तथा जनसंख्या मन्त्री थिए । कोइरालाको पालामा एमालेले १० वटा मन्त्रालय पाएको थियो । अधिकारी २०२९ सालदेखि राजनीतिमा आएका हुन् ।

२०७४ मा कास्कीबाट चुनाव जितेलगत्तै उनी एमाले प्रमुख सचेतक बनेका थिए। नेकपा एकता भएपछि उनलाई हटाएर देव गुरूङ प्रमुख सचेतक बनाइएको थियो । अधिकारी ओलीलाई साथ दिने मध्येका एक प्रमुख पात्र हुन् ।

प्रकाशित मिति: २०७८,जेष्ठ,२७,बिहीवार १५:०३

प्रतिक्रिया दिनुहोस !
सम्बन्धित खबरहरु

काठमाडौं । विवेकशील साझा पार्टीका संयोजक रवीन्द्र मिश्रले संघीयता खारेजीसहितका प्रस्ताव गरेका छन् । मिश्रले सोमवार ४४ पृष्ठ लामो धारणा

काठमाडौं । जनता समाजवादी पार्टी (जसपा) को आधिकारिकता उपेन्द्र यादव पक्षले पाएको छ । आज निर्वाचन आयोगले बहुमत सदस्यहरुको उपस्थितीपछि

काठमाडौं । नेकपा (एमाले) का स्थायी कमिटी सदस्य तथा पूर्व उपप्रधानमन्त्री रघुवीर महासेठले माधव नेपाललाई अध्यक्ष केपी शर्मा ओलीसरहको जिम्मेवारी

काठमाडौं । जनता समाजवादी पार्टी (जसपा) नेपालका सांसद रेशम चौधरी पार्टीको आधिकारिकता विवादमा तटस्थ बसेका छन्। जसपाको आधिकारिकता विवाद निरुपणका

ताजा समाचार