काठमाडौं । ईरानका रिभेल्युशनरी गार्डका कमान्डरले बिहीवार आफ्नो सुरक्षा बलले अमेरिकी नौसेनालाई निशाना बनाउन आदेश दिएको बताएका छन् ।
ईरानको तर्फबाट यो धम्की बिहीवार अमेरिकी राष्ट्रपति डोनाल्ड ट्रम्पद्वारा ईरानी जहाजको बारेमा गरेको ट्वीट पछि दिइएको थियो । तर दुबै देशकोबीचमा कोरोना भाइरसको महामारीका कारण अस्थायी रुपमा मात्र तनाव सिर्जना भएको देख्न सकिन्छ ।
ईरानका मेजर जनरल कासिम सुलेमानीको हत्या पछि दुई देशकोबीचमा तनावको स्थिति सिर्जना हुँदै आएको छ । यसै वर्षको जनवरी महिनामा अमेरिकाले ड्रोन हमलाबाट कासिम सुलेमानीको हत्या गरेको थियो ।
यसै कारणले गर्दा ईरान अमेरिकासँग अत्याधिक आक्रामक बनिरहेको छ । ईरानले केहि महिनादेखि अमेरिकासँग भएको तनावमा अमेरिकी राष्ट्रपति डोनाल्ड ट्रम्पले चेतावनी दिएकोमा आपत्ति जनाउँदै आएको छ ।
The mullahs' regime ruling #Iran harasses UN Navy ships for propaganda purposes.
Thank you, President Trump, for reminding this regime that the Obama years are gone.
And BTW, this regime does not represent the Iranian people.pic.twitter.com/lBYjTGLltq
— Heshmat Alavi (@HeshmatAlavi) April 22, 2020
जनरल हुस्यान सलामीले एक सरकारी च्यानलमा दिएको अन्तर्वार्तामा अमेरिकाले आक्रमण गरे कुनै पनि स्थितिमा ईरान त्यसको जवाफ फर्काउन तयार रहेको बताएका छन् ।
सलामीका अनुसार उनले समुन्द्रमा आफ्ना नौसेनाको समुहलाई अमेरिकी नौसेनाले कुनैपनि ईरानी वाणिज्यिक जहाज, युद्धपोत र नौसेनाको समुहलाई दुख दिन थाले अमेरिकी नौसेनालाई निशाना बनाउन आदेश दिएको बताएका छन् ।
यसबाट सहजै अनुमान लगाउन सकिन्छ कि, दुबै देशमा संकटको यो घडीमा पनि मतभेद देखिइरहेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया