काठमाडौं । ग्यास कालोबजारी गरेको आरोपमा प्रहरीले ललितपुरबाट एक जनालाई पक्राउ गरेको छ ।
पक्राउ पर्नेमा महालक्ष्मी नगरपालिका–६ सानागाउँका ४७ वर्षीय सरोज नेम्कुल रहेका छन् । उनलाई प्रहरी वृत्त सातदोबाटोबाट खटिएको टोलीले पक्राउ गरेको हो ।
प्रहरीका अनुसार नेम्कुलले सञ्चालन गरेको सिद्धिपुर ग्यास स्टोरमा रहेका ग्यास सिलिन्डरको सिल खोलेर ‘सबै सिलिन्डर रित्तो हो’ भन्दै ग्यास लुकाउने गरेको पाइएको छ ।
प्रहरीले उनको पसलबाट सिलसहितका दुई वटा र सिल नभएका २२ वटा भरिएका ग्यास सिलिन्डर बरामद गरेको जनाएको छ ।
घटनाबारे प्रहरीले थप अनुसन्धान गरिरहेको जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया