काठमाडौं । प्रहरीले काठमाडौंको भेडासिंहबाट १ किलो ४ सय ग्राम अवैध सुनसहित एक जना भारतीय नागरिकलाई पक्राउ गरेको छ ।
पक्राउ पर्नेमा भारतीय नागरिक माणिक दास रहेका छन् । उनले भेडासिंहमा टञ्च हाउस सञ्चालन गर्दै आएको प्रहरीले जनाएको छ ।
उपत्यका अपराध अनुसन्धान कार्यालयका एसपी रामेश्वर कार्कीका अनुसार दासको साथबाट १ किलो ४ सय ग्राम सुन तथा विभिन्न गहना बरामद गरिएको छ ।
यस्तै, उनको साथबाट ७ लाख ५० हजार रुपैयाँ नगदसमेत बरामद गरिएको प्रहरीले जनाएको छ ।
घटनाबारे प्रहरीले थप अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया