घट्यो सुनको मूल्य, चाँदीको के भयो ?

काठमाडौं ।  नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला  ५ सय रुपैयाँले घटेको हो । 

अघिल्लो दिन  ३ लाख १५ हजार ४ सय रुपैयाँमा कारोबार भएको सुनको मूल्य आज ५ सय रुपैयाँले घटेर ३ लाख १४ हजार ९ सय रुपैयाँमा कारोबार भएको महासंघले जनाएको छ ।

 त्यस्तै आज चाँदीको मूल्य  भने बढेको छ । महासंघका अनुसार अघिल्लो दिनको तुलनामा आज चाँदी १५ रुपैयाँले बढेको हो । आज चाँदी ५ हजार ७४० रुपैयाँमा कारोबार भइरहेका छ । बिहीबार  ५ हजार ७ सय २५ रुपैयाँमा कारोबार  भएको थियो ।