धादिङमा दुई वटा बस ठोक्‍किँदा एकको मृत्यु, एक गम्भीर घाइते

काठमाडौं । पृथ्वी राजमार्ग अन्तर्गत धादिङको थाक्रे–६, दसकिलोमा दुई बस एकआपसमा ठोक्किँदा एक जनाको मृत्यु भएको छ भने एक घाइते भएका छन् ।

दाङबाट काठमाडौं तर्फ आउँदै गरेको बस र काठमाडौंबाट रसुवागढी जाँदै गरेको बस ठोक्किँदा नजिकै रहेको चियापसलमा चिया पिइरहेका ट्रिपर चालकको घटनास्थलमै मृत्यु भएको हो ।

घटनामा ५१ वर्षीय राजु थापा गम्भीर घाइते भएका छन् र उनलाई उपचारका लागि काठमाडौं पठाइएको प्रहरीले जनाएको छ ।

प्रहरीले दुवै बसका चालकलाई नियन्त्रणमा लिएको छ भने राजमार्गमा सवारी एकतर्फी सञ्चालन भइरहेको छ । हाल मृतकको पहिचान खुल्न बाँकी छ ।