काठमाडौं । एक महिलालाई बलात्कार गरी गर्भवती बनाएको अभियोगमा एक प्रहरी जवान पक्राउ परेका छन् । प्रहरी जवान भूपेन्द्र सिंह ठगुन्नालाई प्रहरीले त्रिभुवन विमानस्थलको गोल्डेन गेटबाट पक्राउ गरेको हो ।
शुक्रबार काठमाडौं उपत्यका अपराध अनुसन्धान कार्यालयको प्रहरी टोलीले ठगुन्नालाई सिनामंगलको गोल्डेन गेटबाट पक्राउ गरेको दाबी गरेको छ ।
आफूलाई बलात्कार गरी गर्भवती बनाएको भन्दै एक महिला विगत ३ महिनादेखि विभिन्न स्थानमा अनसन र धर्नामा बसेकी थिइन् । नेपाल प्रहरीका कार्यरत भूपेन्द्र सिंह ठगुन्नाले आफूलाई बलात्कार गरी गर्भवती बनाएको भन्दै ९ महिनाकी गर्भवती महिला सिंहदरबार लगायतका स्थानमा धर्नामा समेत बसेकी थिइन् ।
आफूलाई बलात्कार गरी गर्भवती बनाएको र पछि विवाह गर्ने आश्वासन दिई फरार भएपछि ती महिलाले प्रहरीमा जबरजस्ती करणीको जाहेरी दिएकी थिइन् । जबरजस्ती करणीको जाहेरी परेपछि आरोपित भूपेन्द्र सिंह ठगुन्ना भागेर भारतको बैंगलोर पुगेका थिए ।
प्रहरीले विमानस्थल नजिकैबाट पक्राउ गरेको दाबी गरे पनि अपराध अनुसन्धान कार्यालयको टोलीले ठगुन्नालाई भारतको बैंगलोरबाट पक्राउ गरी नेपाल ल्याएको हो ।
यो खबर पढेर तपाईलाई कस्तो महसुस भयो ?
प्रतिक्रिया