सिमरा घटनाबारे रास्वपाले भन्यो– ‘राजनीतिक दलले निर्वाचनको माहोल बनाउन पाउनुपर्छ’

काठमाडौं । राष्ट्रिय स्वतन्त्र पार्टी (रास्वपा) ले नेकपा एमालेले बारामा नेकपा एमालेका नेताहरु जाने कार्यक्रममा रोक लगाइएकोप्रति आपत्ति जनाएको छ ।

एमालेनिकट युवा संघले बारामा आयोजना गरेको कार्यक्रममा सहभागि हुन महासचिव शंकर पोखरेल, नेता महेश बस्नेत लगायत नेताहरु त्यसतर्फ जाँदै थिए । तर जेनजी समूहले सिमरा विमानस्थलमा तोडफोड र नाराबाजी गरेपछि नेताहरु विमानस्थलबाटै फर्किएका थिए ।

त्यसबारे आपत्ति जनाउँदै रास्वपाले निर्वाचनको माहोल बनाउन राजनीतिक दलले सार्वजनिक कार्यक्रममा जान पाउनुपर्ने जनाएको हो । त्यस्तै सरकारले राजनीतिक दलका नेताहरुको आवश्यक सुरक्षाको प्रबन्ध गराउन समेत माग गरेको छ ।

‘निर्वाचनको माहोल बनाउन राजनीतिक दलले सार्वजनिक कार्यक्रम आयोजना गर्न पाउनुपर्छ र सरकारले आवश्यक सुरक्षा उपलब्ध गराउनुपर्छ। आज सिमरामा भएको घटना संवेदनशील छ। यसमा राष्ट्रिय स्वतन्त्र पार्टीको गम्भीर सरोकार र सरकारको आवश्यक ध्यानाकर्षण माग गर्दछौँ,’ रास्वपाले भनेको छ ।