निर्वाचन आयोगले थाल्यो राजनीतिक दलहरूसँग दोस्रो चरणको छलफल

काठमाडौं । निर्वाचन आयोग र राजनीतिक दलहरूबिचको छलफल सुरु भएको छ । बिहीबार निर्वाचन आयोगमा राजनीतिक दलहरूसँग निर्वाचन आयोगले छलफल गरेको हो । 

यसअघि पनि आगामी निर्वाचनको तयारीबारे राजनीतिक दलहरूसँग आयोगले छलफल गरेको थियो । 

बिहीबारको राजनीतिक दलहरुसँगको छलफलमा प्रमुख कार्यवाहक निर्वाचन आयुक्त रामप्रसाद भण्डारी, डा.जानकीकुमारी तुलाधर, सगुन शमशेर ज.ब.रा र राजनीतिक दलहरूको तर्फबाट नेपाली काँग्रेसबाट पुष्पा भुसाल, नेकपा एमालेबाट खगराज अधिकारी, नेपाली कम्युनिष्ट पार्टीबाट लिलामणि पोखरेल लगायतका नेताहरूको सहभागिता छ । 

अन्तरिम सरकारले आगामी फागुन २१ गतेका लागि प्रतिनिधि सभा सदस्यको निर्वाचनको मिति तोकेको छ । 

तर सरकार निर्वाचनको वातावरण बनाउन नलागेको आरोप राजनीतिक दलहरूले लगाउँदै आएका छन् । नेकपा एमालेले संसद् पुनः स्थापनाको पक्षमा निर्णय गरेर अदालत जाने बताइसकेको छ ।