काठमाडौं । अर्थशास्त्री डा. मदनकुमार दाहालको आज (शुक्रवार) निधन भएको छ ।
काठमाडौं मेडिकल कलेज केएमसी हस्पिटलमा उपचारका क्रममा आज दिउँसो अर्थशास्त्री दाहालको निधन भएको हो ।
सरकारी वित्तका विज्ञ दाहाल त्रिभुवन विश्वविद्यालयमा चार दशकदेखि अध्यापन गराउँदै आएका थिए ।
उनले सयौं विद्यार्थीलाई विद्यावारिधि समेत गराएका थिए ।
कसैको चित्त नदुखाउने मानिसका रुपमा सम्झँदै सामाजिक सञ्जालमा यतिबेला उनको तस्वीर सेयर भइरहेको छ ।
मेगा बैंकको सञ्चालक समिति अध्यक्षसमेत भइसकेका उनको दर्जनौ अनुसन्धानहरु प्रकाशित छन् । अर्थशास्त्रमा विद्यावारिधि दाहाल नेपाल आर्थिक संघको पूर्व अध्यक्षसमेत हुन् ।
यो खबर पढेर तपाईलाई कस्तो महसुस भयो ?
प्रतिक्रिया