बाँदर नियन्त्रण गर्न वनमा रोपियो फलफूलको विरुवा

काठमाडौं । देवघाटका सामुदायिक वनमा बाँदरका लागि फलफूल खेती सुरु गरिएको छ ।

बाँदरले खेतीबाली खाएर हैरान बनाएपछि देवघाट गाउँपालिका–५ स्थित चक्रवर्ती सामुदायिक वन जङ्गलमा फलफूलका बिरुवा रोप्न थालेको  हो
जङ्गलमा आहारा मासिँदै गएपछि बाँदरले बस्तीमा छिरेर बाली नष्ट गर्न थालेपछि जङ्गलमा फलफूल खेती गर्न थालिएको हो ।

देवघाट क्षेत्रमा कमलादेवी सामुदायिक वन  सुन झाँक्री सामुदायिक वन गणदेवी सामुदायिक वन साँडेबर सामुदायिक वन  देउती सामुदायिक वन मधु सामुदायिक वन चक्रवर्ती सामुदायिक वन  बगली सामुदायिक वन चौकीडाँडा सामुदायिक वनलगायतका ११ वटा सामुदायिक वन छन् ।यी वनमा चार हजारको हाराहारीमा बाँदर रहेको अनुमान गरिएको छ । यी बाँदरलाई गाउँ पस्न नदिनका लागि वनमा फलफूलको बिरुवा  राेप्न  थालेकाे हाे ।

एक दशकदेखि देवघाट क्षेत्रमा बाँदरले हैरान बनाउँदै आएको छ । बाँदरको त्रास बढ्दै गएकाले यहाँका बाँदरलाई व्यवस्थापन गर्ने विषयमा क्षेत्र विकास समिति र सम्बन्धित निकायले चासो दिनुपर्ने स्थानीय बताउँछन् ।

बढीमात्रामा वृद्धवृद्धा र केटाकेटीलाई बाँदरले झम्टिने गरेका छन् । यहाँका घरमा लगाइएका जस्तापाता पनि बाँदर उफ्रेर एक वर्षमै पानी चुहिने बनाइदिन्छन् ।