संघीय शिक्षा ऐन सम्बन्धी विधेयक संसदमा पेश गर्ने सरकारको निर्णय

सरकारले संघीय शिक्षा ऐन सम्बन्धी विधेयक, २०८० संघीय संसदमा पेश गर्ने निर्णय गरेको छ। बिहीबार बसेको मन्त्रिपरिषद् बैठकले सो निर्णय गरेको एक मन्त्रीले जानकारी दिए ।

संघीय शिक्षा ऐनबारे यसअघि मन्त्रिपरिषद्को बैठकले आवश्यक निर्णय गरेको थियो । तर, त्यसबारे विवाद भएपछि सरकारले सच्याएर पुनः पारित गरेको बताइएको छ ।

बैठकले तेजाव तथा अन्य घातक रासायनिक पदार्थ (नियमन) नियमावली, २०८० स्वीकृत गर्ने निर्णय पनि गरेको छ ।

यसैगरी संघीय निजामति सेवाको गठन, सञ्चालन र सेवाको शर्तसम्बन्धी विधेयक, २०८० संघीय संसदमा पेश गर्ने निर्णय मन्त्रिपरिषद्ले गरेको छ ।