शुक्रबार काठमाडौं महानगरले दियो सार्वजनिक बिदा

काठमाडौं । काठमाडौं महानगरपालिकाले शुक्रबार सार्वजनिक बिदा दिने भएको छ ।

शुक्रबारका दिन सापारु र रोपाइ जात्रा समेत मनाउने चलन रहेको र उक्त परम्परालाई निरन्तरता दिन बिदा दिइएको महानगरका प्रमुख प्रशासकीय अधिकृत बसन्त अधिकारीले जानकारी दिए ।

महानगरपालिकाको मौलिक अमूर्त सम्पदाको संरक्षण गर्न सो दिन काठमाडौं महानगरपालिका क्षेत्रभित्र सार्वजनिक बिदा लिन लागेको बताए ।