बागबजारमा मध्यराति आगलागी हुँदा तीन पसल जलेर नष्ट

डडेल्धुरा । सदरमुकाम अमरगढीस्थित बागबजारमा अगलागी हुँदा ३ पसल जलेर नष्ट भएका छन् । 

अमरगढी- ५ बागबजारमा राति १२ बजे आगलागी हुँदा तीन पसल पूर्ण रुपमा जलेको जिल्ला प्रहरीका कार्यालय डडेल्धुराले जनाएको छ ।

प्रहरी नायब उपरीक्षक डम्बरबहादुर केसीका अनुसार आगलागीको कारण खुल्न नसके पनि मानसिक सन्तुलन गुमाएका व्यक्तिले आगो लगाएको हुनसक्ने अनुमान छ । 

आगलागीबाट नेरु तरकारी पसल, स्काई फोटो स्टुडियो, नाम नखोलिएको नास्ता पसल नष्ट भएको उनले बताए । करिब १ घन्टापछि अमरगढी नगरपालिकको दमकल, नेपाल प्रहरी, शसस्त्र प्रहरी र स्थानीयको सहयोगमा आगो नियन्त्रमा लिइएको थियो ।