कालिकोटको पलातामा आगलागी, न्यौपाने बस्तीका ३२ घर जले

काठमाडौं । कालीकोटको पलाता गाउँपालिका वडा नम्बर १ स्थित न्यौपाने बस्तीमा आज बिहान आगलागी भएको छ । 

बिहान साढे २ बजेतिरबाट सुरु भएको आगलागीले ३२ बढी घर जलेर नष्ट भएका छन् । खरले छाएका घर भएकाले आगोले बढी क्षति पुर्याएको बताइएको छ । यद्यपि, क्षतिको पूर्णविवरण आउन बाँकी छ । 

अहिले आगो नियन्त्रणमा आएको गाउँपालिकाका अध्यक्ष लक्ष्मणबहादुर बमले लोकान्तरलाई बताए । उनका अनुसार खरले छाएका र जोडिएका घर भएकाले बस्ती नै ठूलो क्षति भएको छ । 

आगलागीबाट मानविय क्षति भने भएको छैन । स्थानीयबासीलाई उद्धार तथा राहतका लागि नजिकका प्रहरी र सदरमुकामबाट सशस्त्र प्रहरीको टोली खटाइएको छ । 

आगलागी भएको स्थान जिल्ला सदरमुकाम मान्माबाट ३२ कोष र गाउँपालिकाको केन्द्रबाट चार घण्टाको दूरीमा पर्दछ ।