Sunday 22 November 2026
आइतबार ६ मंसिर २०८३

गृहमन्त्री लामिछानेको मुद्दामा अन्तरिम आदेश दिन सर्वोच्चद्वारा अस्वीकार

लोकपथ २२ पुस २०७९, शुक्रबार १७:४९
गृहमन्त्री लामिछानेको मुद्दामा अन्तरिम आदेश दिन सर्वोच्चद्वारा अस्वीकार
शेयर गर्नुहोस् Facebook

काठमाडौं। उपप्रधान एवम् गृहमन्त्री रवि लामिछानेको नागरिकतासम्बन्धी विवादमा अन्तरिम आदेश जारी नहुने भएको छ ।

शुक्रबार कामु प्रधानन्यायाधीश हरिकृष्ण कार्की, न्यायाधीशहरू ईश्वरप्रसाद खतिवडा, डा आनन्दमोहन भट्टराई, अनिलकुमार सिन्हा र प्रकाशमान सिंह राउतको संवैधानिक इजलासले अन्तरिम आदेश नहुने आदेश जारी गरेको हो।

त्यससँगै उनको पद यथावत रहने भएको छ । गत पुस ६ गते संवैधानिक इजलासले सुनुवाइ गर्दै अन्तरिम आदेश दिने वा नदिने विषयमा दुवै पक्षको छलफल आजका लागि राख्ने निर्णय गरेको थियो ।

आज लामिछानेको तर्फबाट वरिष्ठ अधिवक्ता सुशील पन्त, अधिवक्ता सुनील पोखरेल र अधिवक्ता यज्ञमणि न्यौपाने र
निवेदकको तर्फबाट वरिष्ठ अधिवक्ता सुरेन्द्र भण्डारी, अधिवक्ता रमन कर्णलगायतले बहस गरेका थिए भने सरकारी वकिलको कार्यालयबाट सञ्जीवराज रेग्मीले बहस गरेका थिए ।

लामिछानेले अमेरिकी नागरिकता त्यागेको तर नेपालमा पनि पहिल्यै त्यागेको नागरिकताबाट काम चलाएको भन्दै उनी सांसद बन्न नपाउने दाबीसहित मुद्दा परेको थियो ।

 

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।