Sunday 22 November 2026
आइतबार ६ मंसिर २०८३

उपप्रधान तथा गृहमन्त्री लामिछाने र एमाले अध्यक्ष ओलीबीच भेटवार्ता

लोकपथ १६ पुस २०७९, शनिबार १२:५०
उपप्रधान तथा गृहमन्त्री लामिछाने र एमाले अध्यक्ष ओलीबीच भेटवार्ता
शेयर गर्नुहोस् Facebook

काठमाडौं । उपप्रधान तथा गृहमन्त्री रवि लामिछानेले नेकपा एमाले अध्यक्ष केपी शर्मा ओलीसँग भेटवार्ता गरेका छन् । शनिबार बिहान ओली निवास बालकोटमा दुई नेताहरुबीच भेटवार्ता भएको हो । मन्त्री लामिछानेले आजै प्रधानमन्त्री पुष्पकमल दाहाल प्रचण्डलाई भेट गरेका थिए ।

ओलीसँगको भेटमा पछिल्लो विकसित राजनीतिक घटनाक्रम र मन्त्रालयको भागबण्डाको विषयमा छलफल भएको बताइएको छ । सत्ता साझेदार दलहरुबीच मन्त्रालयको भागवण्डाबारे सहमति हुन सकेको छैन । शीर्ष नेताहरुले यस विषयमा परामर्श तीव्र पारेका छन् ।

आजै बिहान बालुवाटारमा भएको भेटमा प्रचण्डले नागरिकलाई सुशासन र सुरक्षाको प्रत्याभूत गराउने गरी कार्य अघि बढाउन लामिछानेलाई निर्देशन दिएका थिए ।

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।