Sunday 22 November 2026
आइतबार ६ मंसिर २०८३

जसपा संसदीय दलको नेतामा रामसहायप्रसाद यादव चयन

लोकपथ १३ पुस २०७९, बुधबार १२:५०
जसपा संसदीय दलको नेतामा रामसहायप्रसाद यादव चयन
शेयर गर्नुहोस् Facebook

काठमाडौं । जनता समाजवादी पार्टी (जसपा) को संसदीय दलको नेतामा रामसहायप्रसाद यादव चयन भएका छन् । जसपाको संसदीय दलको नेतामा अशोक राईले दाबी गरिरहे पनि अध्यक्ष उपेन्द्र यादवका विश्वासपात्र मानिएका यादव चयन भएका हुन् ।

प्रतिनिधिसभामा जसपाका १२ सांसद रहेका छन् । अध्यक्ष उपेन्द्र यादव गत मंसिर ४ गते भएको प्रतिनिधिसभा चुनावमा पराजित भएपछि दलको नेताका रुपमा सङ्घीय परिषद् अध्यक्ष अशोक राई र राजकिशोर यादवको दाबी गरेका थिए । जसपा संसदीय दलको नेताका लागि यादवको एकल उम्मेदवारी परेपछि उनी सर्वसम्मत चयन भएका हुन् ।

जसपाले सरकारमा सहभागी हुने वा नहुने भन्नेबारे राजनीतिक समितिको बैठकपछि मात्र निर्णय गर्ने जनाएको छ । यही पुस १८ र १९ गते राजनीतिक समितिको बैठकपछि मात्रै सो विषयमा निर्णय हुने जसपाका प्रचार विभाग प्रमुख पूर्ण बस्नेतले जानकारी दिए ।

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।