अब एसईईको फाराम अनलाइनबाटै

काठमाडौं–राष्ट्रिय परीक्षा बोर्डले चैतमा हुने एसईईको परीक्षा फाराम अनलाइनबाटै भर्न सकिने व्यवस्था गरेको छ ।

एसईईको परीक्षा आवेदन फाराम र ९ कक्षाका विद्यार्थीको रजिस्टेसन फाराम अनलाइनबाटै विद्यालयले भर्न सक्ने परीक्षा नियन्त्रक रामशरण सापकोटाले बताए ।

फारम बोर्डको वेबसाइटमा राखिएको छ । यसअघि विद्यालयले भरेका फाराम जिल्लास्थित शिक्षा, विकास तथा समन्वय इकाइको कार्यालयमा बुझाउनुपर्ने प्रावधान थियो । आजको कान्तिपुर दैनिकले खबर छापेको छ ।