एक जना पनि कोरोना संक्रमित नभएका यी ५ जिल्ला

काठमाडौं । नेपालमा कोरोना संक्रमित शुन्य रहेका ५ वटा जिल्लाहरु रहेका छन् । स्वास्थ्य मन्त्रालयका अनुसार नेपालका ५ जिल्लामा कोरोना संक्रमित शुन्य रहेको छ ।

कोरोना संक्रमण मुक्त ५ जिल्लाहरु : 

मनाङ
कालिकोट
मुगु
हुम्ला
बाजुरा

नेपालमा पछिल्लो समय कोरोना संक्रमणको दर उकालो लाग्न थालेको छ । पछिल्लो २४ घण्टामा गरिएको ५ हजार २५ नमुना परीक्षणमा थप ७१० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यस्तै, पछिल्लो २४ घण्टामा कोरोनाका कारण थप २ जनाको मृत्यु भएको छ । यससँगै कोरोना संक्रमणबाट मृत्यु हुनेको संख्या ११ हजार ९६२ पुगेको छ ।

बितेको २४ घण्टामा थप २ सय १५ जना कोरोना संक्रमण मुक्त भएका छन् । योसँगै नेपालमा सक्रिय कोरोना संक्रमितको संख्या ४ हजार २ सय ३६ पुगेको छ ।