विदेश हिँडेका उपकूलपतिलाई किन समात्यो प्रहरीले ?

काठमाडौं– क्यानडा जाँदै गरेको नेपाल संस्कृत विश्वविद्यालयका उपकूलपतिलाई  प्रहरीले त्रिभुवन अन्तराष्ट्रिय विमनस्थलबाट नियन्त्रणमा लिएको छ ।
विश्व संस्कृत सम्मेलनमा सहभागी हुन क्यानडा जान लागेका  उपकूलपति प्राध्यापक डाक्टर कूलप्रसाद कोइरालालाई प्रहरीले  विदेश उड्नु केहि घण्टाअघि मात्रै विमानस्थलबाट नियन्त्रणमा लिएको हो । उनलाई  विमानस्थलबाट  प्रधानमन्त्री निवास बालुवाटार पुर्याएको प्रहरीले एक घण्टापछि नियन्त्रण मुक्त गरेको बताइएको छ ।

सबै प्रक्रिया पूरा गरेर विदेश जान लागेको भएपनि आफूलाई अपराधी जस्तो गरेर सरकारले नियन्त्रणमा लिएको उनले गुनासो गरे । फरक राजनीतिक आस्था भएकै कारणले आफूलाई विदेश जानबाट रोकिएको  हुन सक्ने उनको आशंका छ ।

तत्कालिन प्रधानमन्त्री सुशील कोइरालाले उनलाई नेपाल संस्कृत विश्वविद्यालयको उपकुलपतिमा कोइराला नियुक्त गरेका थिए ।