नेपालमा कोरोना : ११ हजारमा आइपुगे सक्रिय संक्रमित, कस्तो छ पछिल्लो अवस्था ?

काठमाडौं । नेपालमा पछिल्लो २४ घण्टामा थप ३ सय ८८ जनामा कोरोना भाइरस (कोभिड-१९) संक्रमण पुष्टि भएको छ ।

देशभर ८ हजार १ सय ४० जनाको परीक्षण गर्दा २४७ जनाको पीसीआर र १४१ जनाको एन्टीजेन पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभर कोरोना संक्रमित भन्दा संक्रमणमुक्त हुनेको संख्या बढी रहेको छ । देशभर थप १ हजार २ सय ५ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ९ लाख ५२ हजार ५ सय ९९ पुगेको छ ।

मन्त्रालयको तथ्यांक अनुसार हालसम्म नेपालमा कोरोना संक्रमणको कारण ज्यान गुमाउनेको संख्या ११ हजार ९सय २५ पुगेको छ । पछिल्लो २४ घण्टामा थप ४ जनाको मृत्यु भएको हो ।

पछिल्ला दिनहरुमा नेपालमा संक्रमितको संख्यामा कमि आएसँगै सक्रिय संक्रमितको संख्यामा समेत कमि आएको छ । हाल नेपालमा सक्रिय संक्रमितको संख्या ११ हजार २ सय ८२ रहेको छ ।