महोत्तरीमा १६० केजी गाँजा बरामद

महोत्तरी । सशस्त्र प्रहरी बलले महोत्तरीको महोत्तरी गाउँपालिकाबाट १ सय ६० किलोग्राम गाँजा बरामद गरेको छ ।

सशस्त्र प्रहरी छिनमस्ता बाहीनीबाट खटिएको टोलीले रानीरतवाडाबाट गाँजा बरामद गरेको हो ।

सशस्त्र प्रहरी मधेश प्रदेशका बाहिनीपति गणेश ठाडामगरका अनुसार गणेश चौधरीको घरपछाडि रहेको परालको टौवाबाट १ सय ६० गाँजा फेला परेको हो ।

परालको टौवामा लुकाइराखेको १६ पोकामा १६० केजी गाँजा रहेको प्रहरीले जनाएको छ ।

बरामद भएको गाँजा थप अनुसन्धानका लागि नेपाल प्रहरीलाई जिम्मा लगाउने तयारी भइरहेको ठाडामगरले जानकारी दिए ।