एजेन्सी: अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोंग उनबीच १२ जुन मंगलबार हुने शिखर वर्ताका लागि सिंगापुरले २१६ करोड नेपाली रुपैया बराबरको खर्च गर्ने भएको छ ।
सिंगापुरका प्रधानमन्त्री ली सेइन लुंगले शिखर वार्ताको लाग्ने खर्च सिंगापुरले बेहोर्ने जानकारी दिँदै यो अन्तर्राष्ट्रिय प्रयासमा सिंगापुरको योगदान भएको बताए ।
उनले भने “यो रकमको आधा जति खर्च सुरक्ष व्यवस्थामा हुनेछ । ” सिंगापुरका व्यवसायीहरूले पनि यो अवसरलाई आर्थिक कारोबारको रूपमा बदल्न प्रयास गरिरहेका छन् ।
ट्रम्प र किमका नामा बर्गर देखि टीशर्ट बजारमा ल्याइएको छ ।
साँग्रिला होटलमा कोठा अग्रिम बुक गराउनेको होड लागेको छ ।
होटलको कोठाको मुल्य तीन गुना बढेको छ । साँग्रिलामा ट्रम्प बसिरहेका छन् ।
यता ट्रम्प र किमका प्रतिरूपहरूको उपयोग गरी कम्पनीले कमाइ गरिरहेका छन् ।
किमका प्रतिरूप देखिने हावर्ड एक्स र ट्रम्पका प्रतिरूप डेनिस एलेनलाई मोबाइल एप्को प्रमोशनका लागि राखिएको छ ।
यो प्रतिरूपरूसँग फोटो खिचाउनेसँग कम्पनीले रकम असुलेको छ ।
सिंगापुरमा पर्यटकहरूका संख्यामा बृद्धि हुने देखिएको छ । पत्रकारहरूको संख्या ३ देखि ४ हजारसम्म पुगेको छ ।
७ दिन पत्रकारहरूको बसाइबाट यहाँ करिब ९६ करोड नेपाली रुपैयाको कमाइ हुन सक्ने देखिएको छ ।
यो खबर पढेर तपाईलाई कस्तो महसुस भयो ?
प्रतिक्रिया