दुर्घटनामा ज्यान गयो

इनरुवा । पूर्व पश्चिम राजमार्गअन्तर्गत सुनसरीको भोक्राहानरसिंह गाउँपालिका–४ नहर चोकमा आज साँझ भएको ट्रक दुर्घटनामा एकजनाको मृत्यु भएको छ । 

मृत्यु हुनेमा स्थानीय मनोज मेहता रहेको जिल्ला प्रहरी कार्यालय सुनसरीले जनाएको छ । 

पूर्वबाट पश्चिमतर्फ जाँदै गरेको ना ४ ख ८६२० नम्बरको ट्रक अनियन्त्रित भइ दुर्घटना हुँदा मेहता गम्भीर घाइते भएका थिए । मेहताको उपचारका क्रममा जिल्ला अस्पताल इनरुवामा मृत्यु भएको सुनसरीका प्रहरी नायब उपरीक्षक नारायणप्रसाद चिमरियाले जानकारी दिनुभयो । 

दुर्घटनमा मोरङ सुन्दरहरैचा–९ का टेकबहादुर विक र रामधुनी नगरपालिका–१ इकराहीका अजय उराँव पनि घाइते भएको जिल्ला प्रहरी कार्यालय सुनसरीले जनाएको छ ।