निर्वाचन आयोगले चार जनालाई सनाखत गर्न नदिएपछि विवाद

काठमाडौं । प्रस्तावित नेकपा (एकीकृत समाजवादी)को पक्षमा सनाखत गर्न पुगेका चार जनालाई सनाखत प्रक्रियामा निर्वाचन आयोगले सहभागी हुन नदिएपछि विवाद सुरु भएको छ ।

पार्टी दर्ताका लागि पेस गरेको निवेदनमा नाम र हस्ताक्षर नभएको भन्दै आयोगले शारदा भट्ट, माया ज्ञवाली र सोमप्रसाद पाण्डेलगायत चार जनालाई सनाखत प्रक्रियामा सहभागी हुन नदिएपछि विवाद सुरु भएको हो ।

स्रोतका अनुसार पछि थपिएका ४ सांसदबारे कुरा नमिलेपछि प्रमुख निर्वाचन आयुक्त, आयुक्त र अध्यक्ष नेपाल, राजेन्द्र पाण्डे, रामकुमारी झाँक्रीबीच छलफल भइरहेको छ ।

नेकपा एकीकृत समाजवादीको पक्षमा अहिलेसम्म ३० सांसद र ५४ जना केन्द्रीय सदस्यहरुले सनाखत गरेका छन्। अध्यक्ष  नेपालसहितका नेताहरुले बुधबार आयोगको कार्यालयमै पुगेर सनाखत गरेका हुन्। वरिष्ठ नेता झलनाथ खनालले भने दिल्लीबाटै भर्चुअल माध्यमबाट सनाखत गरेका छन्।