झनै बढ्यो कोरोना जोखिम : एकैदिन ३५ जनाको मृत्यु, ४८ सय बढीमा संक्रमण

काठमाडौं । नेपालमा पछिल्लो २४ घण्टामा कोरोना संक्रमणको कारण थप ३५ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ३२ सय ४६ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा ४८ सय ३१ जनामा कोरोना संक्रमण पुष्टि भएसँगै कुल संक्रमितको संख्या ३ लाख १७ हजार ५ सय ३० जना पुगेको मन्त्रालयले जनाएको छ । मन्त्रालयका अनुसार पछिल्लो २४ घण्टामा नेपालमा थप ८ सय ८८ जना कोरोना संक्रमण मुक्त भएका छन् भने कोरोना संक्रमणमुक्त हुनेको संख्या २ लाख ८० हजार १ सय ६७ पुगेको छ ।

यसैगरी हाल नेपालमा सक्रिय संक्रमितको संख्या ३४ हजार १ सय १७ जना रहेको र ५९ जना क्वारेन्टाइनमा रहेका छन् ।

यसअघि बुधवार नेपालमा ४८ सय ९७ जनामा कोरोना संक्रमण पुष्टि भएको र १७ जनाको कोरोनाको कारण मृत्यु भएको थियो ।