शोक प्रस्ताव पारित गरेर सकियो प्रतिनिधि सभा बैठक

काठमाडौं । शोक प्रस्ताव पारित गरेर आजको प्रतिनिधि सभा बैठक सकिएको छ ।

दिउँसो १ बजेका लागि बोलाइएको बैठक शोक प्रस्ताव पारित गरेर सकिएको हो ।

त्यस्तै अर्को बैठक चैत ३ गते मंगलवार बस्ने गरी स्थगित गरिएको सभामुख अग्निप्रसाद सापकोटाले जानकारी गराएका छन् ।

सर्वोच्च अदालतले संसद पुनर्स्थापना गरेसँगै गत आइतवार पहिलो बैठक बसेको थियो । तर तत्कालिन नेकपा प्रचण्ड-नेपाल पक्षले बहिस्कार र नेपाली कांग्रेसले अवरोध गरेपछि आजको लागि बैठक बोलाइएको थियो ।