स्मिथ र कोहलीलाई पछि पार्दै केन विलियमसन बने नम्बर १ ब्याट्सम्यान

काठमाडौं । न्यूजिल्याण्डका स्टार ब्याट्सम्यान केन विलियमसन टेस्टमा नम्बर १ ब्याट्सम्यान बनेका छन् ।

३० वर्षीय विलियमसनले स्टिव स्मिथ र विराट कोहलीलाई पछि पार्दै ब्याट्सम्यानको ताजा आईसीसी र्यांकिङमा शीर्ष स्थानमा पुगेका हुन् । उनले २०१५ मा पनि केहि समयका लागि शीर्ष स्थान पाएका थिए ।

त्यसपछि स्मिथ र कोहलीले नै यो स्थानमा अड्डा जमाएका छन् ।

यो वर्ष पनि ३१३ दिनसम्म स्मिथ शीर्ष स्थानमा रहे । त्यस्तै कोहली ५१ दिनसम्म शीर्ष स्थानमा रहेका थिए ।

बिहीवार जारी र्यांकिङमा केन विलियमसनलाई दुई स्थानको फाइदा भएको छ । उनी ८९० रेटिङ अंककासाथ नम्बर १ मा परेका छन् । विराट कोहली ८७९अंकका साथ दोश्रो स्थानमा रहेका छन् ।

यो खबर पढेर तपाईलाई कस्तो महसुस भयो ?