अनमी बोहराद्वारा हुम्लामा ५० प्रकारका औषधि सहयोग

काठमाडौं । लामो समयदेखि मेडिकल सप सञ्चालन गर्दै आएका र जिल्ला अस्पताल हुम्लामा कार्यरत सिनियर अनमी सरिता बोहराले जनस्वास्थ्य कार्यालय हुम्लालाई औषधि सहयोग गरेकी छिन् ।

उनले ५० प्रकारका दुई लाख मूल्य बराबरको औषधि जनस्वास्थ्य कार्यालय हुम्लाका प्रमुख प्रेम सिंहलाई आइतवार हस्तान्तरण गरिन् । आफूले अस्पतालका काममा दिनरात खट्नुपर्ने अवस्था भएका कारण पसलमा राखिएका औषधि फोहोरमा फाल्नुभन्दा जनस्वास्थ्य कार्यालयलाई सहयोग गरेको बोहराले बताए ।

• रासस