नुवाकोट । नुवाकोटमा बितेको २४ घण्टामा थप ६ जनामा कोरोना संक्रमण देखिएको छ ।
किटजन्य प्रयोगशाला हेटौँडामा गरिएको परीक्षणका क्रममा ६ जना पुरुषमा कोरोना संक्रमण देखिएको स्वास्थ्य मन्त्रालयका प्रवक्ता डा जागेश्वर गौतमले बताए । यससँगै नुवाकोटमा कोरोना संक्रमितको संख्या २३ पुगेको छ ।
आज रसुवा जिल्लामा ९ जनामा कोरोना संक्रमण देखिएसँगै नेपालका ७७ वटै जिल्लामा संक्रमण पुगेको छ ।
बितेको २४ घण्टामा १२० जना महिला र ४३४ जना पुरुष गरी जम्मा ५५४ जनाको कोरोना संक्रमण पुष्टि भएको छ ।
थपिएका ५५४ जना संक्रमितसँगै नेपालमा कोरोना संक्रमितको कुल संख्या १२ हजार ३ सय ९ पुगेको छ । कुल संक्रमितमध्ये १३ सय ६९ जना महिला र १० हजार ९ सय ४० जना पुरुष छन् ।
बितेको २४ घण्टामा थप १३६ जना संक्रमणमुक्त भएर घर फर्केका छन् ।
उनीहरुमध्ये १८ जना महिला र ११८ जना पुरुष छन् । हालसम्म संक्रमणमुक्त भएर डिस्चार्ज हुनेहरुको संख्या २ हजार ८ सय ३४ जना पुगेका छन् ।
यसैबीच आज थप एकजनाको मृत्यु भएसँगै कोरोना संक्रमणका कारण मृत्यु हुनेको संख्या २८ पुगेको छ ।
यो खबर पढेर तपाईलाई कस्तो महसुस भयो ?
प्रतिक्रिया