काठमाडौं । ब्रिटिश प्रधानमन्त्री बोरिस जोनसनको स्वास्थ्य अवस्था बिग्रँदै गएको छ । उनको स्वास्थ्य अवस्थालाई मध्यनजर गर्दै अस्पतालले उनलाई हिजो राती नै आईसीयु वार्डमा भर्ती गरेको हो ।
उनलाई नियमित टेस्टको लागि अस्पताल ल्याईएको थियो । तर अस्पतालमा लगेपछि उनको स्वास्थ्य अवस्था अचानक बिग्रँदै गएको र उनलाई आईसीयु वार्डमा सारिएको अस्पतालले जनाएको छ ।
१० दिन अगाडि ब्रिटेनका प्रधानमन्त्री बोरिस जोनसनमा कोरोनाको पोजेटिभ पाइएको थियो । त्यसपछि उनले डाउनिङ स्ट्रीटमा क्वारेन्टाइनमा राखेका थिए ।
BREAKING# UK foreign minister Dominic Raab to deputise for ill PM Johnson: office pic.twitter.com/nnhDuVOFBp
— AFP News Agency (@AFP) April 6, 2020
त्यहिँबाटै उनी सरकारको काम गरिरहेका थिए । अब भने उनको कार्यभार ब्रिटेनका विदेशमन्त्री डोमिनिक राबले सम्हाल्ने भएका छन् ।
प्रधानमन्त्री बोरिसलाई मेडिकल टेस्टका लागि अस्पताल लगिएको थियो । यस बारेमा जानकारी उनले स्वयं ट्वीटरमार्फत दिएका थिए ।
जोनसनले लेखेका थिए, उनी डाक्टरको सल्लाह अनुसार चेकअपका लागि अस्पताल गएका थिए, किनभने उनमा कोरोनाको लक्षण देखिएको थियो ।
Last night, on the advice of my doctor, I went into hospital for some routine tests as I’m still experiencing coronavirus symptoms. I’m in good spirits and keeping in touch with my team, as we work together to fight this virus and keep everyone safe.
— Boris Johnson (@BorisJohnson) April 6, 2020
उनकी गर्लफ्रेन्ड क्यारी साइमन्ड्स पनि सेल्फ आईसोलेशनमा छिन् । उनले पनि सामाजिक सञ्जालमा आफूमा कोरोनाको केहि लक्षण देखा परेको बताएकी थिइन् । उनी गर्भवती छिन् ।
उनले एक ट्वीट गर्दै कोरोना भाइरस प्रेग्नेन्सी भएको अवस्थामा चिन्ताजनक भएको र विश्वमा जति पनि प्रेग्नेन्सी महिलाहरु छन् उनीहरुको सबैले ख्याल राख्न ध्यान दिएकी छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया