काठमाडौं । देशका छुट्टाछुट्टै स्थानबाट जबरजस्ती करणीको घटनामा २ जना पक्राउ परेका छन् ।
१४ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ । पक्राउ पर्नेमा सल्यानको कपुरकोट गाउँपालिका–४ बस्ने २० वर्षीय उदिम प्रसाद बुढामगर रहेका छन् ।
उदिमले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय तुलसीपुरबाट खटिएको प्रहरीले उनलाई पक्राउ गरेको हो ।
त्यस्तै जुम्लामा २८ वर्षीया युवतीलाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ ।
पक्राउ पर्नेमा जुम्लाको पातारासी गाउँपालिका–५ जफना गाउँ बस्ने ४१ वर्षीय दत्त बहादुर बुढा रहेका छन् ।
दत्त बहादुरले ती महिलालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय जुम्लाबाट खटिएको प्रहरीले उनलाई पक्राउ गरेको हो ।
दुवै स्थानका घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया