संस्कृत विश्वविद्यालयका उपकुलपति नेपालले पनि दिए राजीनामा

काठमाडौं । काठमाडौंमा रहेको संस्कृत विश्वविद्यालयका उपकुलपति प्रा.डा.धनेश्वर नेपालले पनि राजीनामा दिएका छन् ।

सरकारले विश्वविद्यालयका पदाधिकारी हटाउनेगरी अध्यादेश ल्याउने तयारी गरेपछि उपकुलपतिहरूले लगातार राजीनामा दिन थालेका हुन् ।

धनेश्वर नेपालले शुक्रबार राजीनामा दिएका हुन् । उनी २०८१ पुस ७ मा तत्कालीन प्रधानमन्त्री केपी शर्मा ओलीद्वारा उपकुलपतिमा नियुक्त भएका थिए ।

यसअघि त्रिभुवन विश्वविद्यालयका पदाधिकारीहरूले पनि राजीनामा दिएका थिए । १७ वैशाखमा उपकुलपति प्रा. डा.दीपक अर्याल, शिक्षाध्यक्ष प्रा.डा. खड्ग केसी र रजिस्ट्रार प्रा.डा. केदारप्रसाद रिजालले पद छाडेका थिए ।