काठमाडौं । सशस्त्र प्रहरी सहायक निरीक्षक निम दिकी शेर्पाले लोबुचे पिक हिमालको सफलतापूर्वक आरोहण गरेकी छिन् ।
उनले नयाँ वर्षको पहिलो दिन आज मंगलबार बिहान ८ बजेर ५७ मिनेट जाँदा ६ हजार ११९ मिटर अग्लो लोबुचे पिक हिमालको सफलतापूर्वक आरोहण गरेकी हुन् ।
शेर्पा सशस्त्र प्रहरी बलको पहिलो महिला सशस्त्र प्रहरी कर्मचारीको रूपमा विश्वको सर्वोच्च शिखर सगरमाथा चढ्ने अभियानमा रहेकी छिन् ।
यही सिजनमा सगरमाथा र ल्होत्से शिखर चढ्ने अभियानको क्रममा उनले आज लोबुचे हिमालको सफलतापूर्वक उचाइ चुम्न सफल भएकी हुन् ।
सशस्त्र प्रहरी बल बाट दुई जना पुरुष सशस्त्र प्रहरी नायब उपरीक्षक सुरज पौडेल र सशस्त्र प्रहरी नायब निरीक्षक दन्तबहादुर छन्त्यालले सगरमाथा शिखर अभियान सफलतापूर्वक सम्पन्न गरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया