निर्वाचनको पूर्वसन्ध्यामा खोसियो मतदान अधिकृतको जिम्मेवारी

काठमाडौं । शंकास्पद गतिविधि गर्ने मतदान अधिकृतको जिम्मेवारी खोसिएको छ ।

निर्वाचन आयोगले बागलुङको रमुवा आधारभूत विद्यालयको मतदान केन्द्रका लागि खटाइएका मतदान अधिकृत प्रकाश गैरेको जिम्मेवारी खोसेको हो ।

आयोगका अनुसार बागलुङका दुई वटै निर्वाचन क्षेत्रका लागि मतदान अधिकृत तथा कर्मचारीहरुको लागि सामाजिक सञ्जालमा ह्वाट्सएप ग्रूप बनाइएको थियो ।

उक्त ग्रूपमा गैरेले अन्य मतदान अधिकृत कर्मचारीहरुको समेत मनोबल गिराउने काम गरेको भन्दै आयोगले उनको जिम्मेवारी कटौती गरेको हो ।

उनको क्रियाकलापले निष्पक्ष निर्वाचन गर्न सक्ने अवस्था नदेखिएको समेत आयोगले जारी गरेको पत्रमा भनिएको छ ।